KUTATULIWA KWA CHANGAMOTO KATIKA SEKTA YA ELIMU

NA  MWANDISHI WETU

Kutokana na kuwepo kwa changamoto nyingi katika sekta ya elimu wilayani Kahama mkoani Shinyanga mkuu wa wilaya ya Kahama bwana fadhili nkulu amekutana na mwakilishi mkazi wa umoja wa mataifa hapa nchini bw Alvaro Loadregers na kufanya mazungumzo juu ya kupata msaada wa utatuzi wa changamoto hizo ikiwa ni pamoja na mimba,upungufu wa madarasa, upungufu wa meza na madawati , vitabu na mahitaji mengine muhimu katika shule mbalimbali Wilayani humo.

Hayo ameyasema leo ofisini kwake alipokuwa akizungumza na Waandishi wa habari  kuwa bwana Loadregers amekubaliana na maombi hayo na kumwahidi  February mwaka huu yeye pamoja na timu yake watakuja Kahama ili kujionea changamoto zilizoko shuleni nakuanza kuzipatia ufumbuzi.

Pia Nkulu amewahimiza wazazi ambao bado hawajawapeleka watoto wao shuleni kipindi hiki cha masomo kufanya hima kuwapeleka wakapate haki yao ya msingi kabla serikali haijachukua sheria juu yao.

Akizungumzia swala la maendeleo kwa upande wa afya amesema wamejipanga kuendelea kuboresha  katika ujenzi wa zahanati na vituo vya afya katika halmashauri zote huku akiwapongeza wakurugenzi wa halmashauri zote kwajitihada nzuri katika kupigania maendeleo ya wananchi na wilaya.